Алматыда жолақы 10 теңгеге қымбаттады

Бүгіннен бастап қоғамдық көліктердегі жолақы бағасы 50 теңге болды. Қалалық автоопарк басшыларының айтуынша, бұған елдегі жанар жағар май бағасының қымбаттуы себеп болып отыр. Бір қызығы, жолақы Алматымен қатар Қызылордада да өсіп отыр. Бұрындары қоғамдық көлікте жүру автобустарда – 30, микроавтобустарда – 35 теңге болса, қазір 35-40 теңге болып отыр. Бүгін енді тек гранттарда ғана оқитын студенттер ғана жеңілдік пайдалана алады деген сыбыс естідім. Автобусқа жапсырылған парақшаға қарасаңыз, тек «грантта оқитындарға жеңілдік қарастырылған» деп қара сиямен баттасып жазылып тұр. бұл шыныменен де әкімдіктің бекіткен нәрсесі ме, жоқ па, ол жағы әзірше белгісіз. Ал жоғары оқу орындарының басшылары мұндай мөр жайынан мүлде хабарсыз екендігін айтады.