Әлем поп-музыка королінен айрылды

Маусымның 25-і күні Лос-Анжелесте поп-музыканың королі Майкл Джексон қайтыс болды. Әлемдік ақпарат агенттіктерінің хабарлауынша, бейсенбі күні ол кенеттен жүрек талмасына ұшырап, лезде ауруханаға жеткізілген. Әзірше, джәрігерлер оның өлімінің себебін ресми хабарлаған жоқ. Болжамдар бойынша, оның өлімін тездеткен нәрсе пластикалық операциялар көрінеді. Оның артында үш баласы қалды:  Майкл Джозеф Джексон, Пэрис Майкл Кэтрин Джексон и Принс Майкл Джексон.

Қытайдағы қазақ жастары президенттен көмек сұрайды

362 студент қол қойған ашық хаттың мазмұны төмендегідей:

Алты аманат

Қазақстан Республикасының елбасы Нұрсұлтан Әбішұлына

Қытай Халық Республикасының Үрімжі қаласындағы қазақ жастары атынан

Алматыда тұңғыш рет халықаралық деңгейдегі IT-мамандарын даярлау бойынша университет ашылайын деп отыр.  Алғашқы лекте 7 мыңнан астам студент оқиын деп жатқан көрінеді. Университет айтпақшы, американдық Carnegie Mellon оқу орнымен тығыз әріптестікте жұмыс істемекші.

P.S:  IT-саласының мамандарын мемлекеттік деңгейде даярлайтын болыпты деген хабар шыққанда шыныменен де керемет екен деп қуандық. Алайда оқу тек ағылшын және орыс тілдерінде ғана  екен. Соған қарап неше түрлі сауалдар туындайды. Бізде неге қазақ балаларына мүмкіндік ашылмайды? неге қазақ тілді азаматтарға жағдай жасалмайды? Қашанғы қазақ тіл десе, “көпұлттылық” мәселесі туындай қалады? неге өзге тілге келгенде, өзеурейміз де, өзіміздің тілімізге келгенде бәрі де кері кетеді. Мұндай кезде Абайдың “Өзіне ар тұтқан, жаттан зар тұтады” деген сөзі амалсыздан еске түседі.

Хабарландыру

Сайттарды ақтарып отырып, төмендегідей хабарландыруды тауып алдым. Бәлкім, қажетке де жарап қалар.

Жол картасы бойынша кадрларды даярлау мен қайта даярлау үстіміздегі жылдың мамыр айында басталып, желтоқсанға дейін жалғасады. Кадрларды даярлау 10 мемлекеттік кәсіби және 3 қалалық колледжде жүзеге асады. Оқу барысында тыңдаушыларға ай сайын 7,5 мың те ңге стипендия төленеді. Еңбекпен қамту органдары оларды жұмысқа тұрғызады.

Мысалы, № 6 лицейде «В, С» категориялы 30 көлік жүргізуші даярлықтан өтуде. Қосымша мәлімет алу үшін мына телефондарға хабарласу қажет:

272-02-86 – Зин Вера Михайловна

264-54-29 – Оспанова Галина Темировна

Халықтың көзі, құлағы һәм тілі

Халықаралық Gallup Organisation зерттеу орталығы 4 аймақта сауалнама жүргізіп, кеше қорытындысын жариялады. Ақпарат құралдарына қатысты зерттеу орталығының қорытындысы төмендегідей:

Қазақстан тұрғындарының тұрақты түрде көретін арналары: (алғашқы бестік) “Хабар”, “Қазақстан”, “Орт Евразия”, “КТК”, “Ел Арна”;

Жиі тыңдайтын радиолары: “НС”, “Европа+”,  “Русское радио”, “Юмакс”, “Қазақстан”;

Жиі оқитын газеттері: “Караван”, “Егемен Қазақстан”, “Время”, “Казахстанская правда”, “Рабат”;

Сұралғандардың 74 пайызы телеарналардағы ақпаратқа сенетінін айтқан.

Интернетке қатысты ақпараттар:

Сұралғандардың 61 пайызы интернетті қолданбайтынын айтқан. 13 пайызы күнде қолданатынын айтқан. 4 өңірдің арасында интернетті көп қолданатын өңір – Алматы болып отыр.

Көбіне интернетті қайдан қарайсыз? деген сұраққа: 35 пайызы – үйде, 25 – жұмыста, 17 – интернет-кафеде, 13 – туыстардың немесе досымның үйінде, 2 – ұялы телефоннан немесе сол арқылы деп жауап берген.

Ең, ең, ең…..

Қазақстанның Мұсылмандар Одағы “Мұсылмандық рейтинтің” қорытындысын жариялады. (материал 1 ай бұрын жарияланған). Рейтингтен үзінділер:

Жылдағы сәтсіз тағайындау: Бақытжан Жұмағұлов – ҚазҰУ-нің ректоры, Дархан Калетаев -  “Нұр-Отан” ХДП-ның төраға орынбасары;

Ең сәтсіз министр – Жансейіт Түймебаев;

Ең ықпалды мемлекет қайраткері – Тимур Құлыбаев;

Ең танымал қоғам қайраткері – Герольд Бельгер;

Прогресс жолындағы саясаткер Сергей Уткин;

Регресс жолындағы саясаткерлер: Ғани Қасымов, Ораз Жандосов, Жармахан Тұяқбай, Мелс Елеусізов;

20008 жылы болған  ең өзекті мәселелер: өршіген жемқорлық, халықтың тұрмыс деңгейінің нащарлауы, инфляция;

Ең танымал масс-медиа:  “Свобода слова”, “Zonakz”, “Время”;

Ең үздік университет – С.Демирел атындағы Қазақ-Түрік университеті;

Жемқорлық жайлаған университет: Қазақ Ұлттық Университеті;

Толығырақ мына жерде

Бірде…

Өткен ғасырдың басында АҚШ-та бірде Чарль Чаплинді келістіру бойынша конкурс өтіпті. Оған әлемнің түкпір-түкпірінен актерлар жиналып, атақты актерды келістіруден бақ сынаса бастайды. “Қалай болар” екен деп бұл конкурсқа Чарль Чаплиннің өзі де қатысыпты. Конкурс нәтижесінде оған тек үшінші орын ғана тиіпті.

***

Француз философы Монтень бірде: – Шамасы, дүниеде ең әділетті бөлінген нәрсе ақыл болса керек, – депті.  – Неге бұлайша айтасыз? ,- десе:  – Себебі, ақылым жетіспейді деп шағым айтқан адамды әлі кездестірген жоқпын, – депті.

***

Француздың атақты жазушысы Бальзак почеркіне қарап, адамға баға беруді жақсы көреді екен. Бірде бір қарт мұғалым келіп, оған бір дәптердегі жазуларды көрсетіп, сол адамға баға беруін өтінеді. Сонда Бальзак тұрып: – Мынау жазу шимақ-шимақ, адам түсініп болмайды. Сәйкесінше, бұл жазудың иесі де түкке тұрғысыз, бұл баладан болашақта үміт күтуге болмайды, – деп бірден кесіп айтқан екен. Сонда мұғалым тұрып: – Құрметті жазушы, бұл мектепте жазған сіздің дәптеріңіз еді, ал мен сіздің ұстазыңыз болғанмын, – депті. Сәуегейлігінен таяқ жеген жазушы бұдан былайғы өмірінде бұл әдетін қойыпты-деседі.

***

Марк Твен бірде жаңадан жасалған жолға шыға қалса, оның жиегіне көрнекті етіп, былай деп жазып қойыпты: “Бұл жолмен жазушы Твен жүріп өткен. Өту ақысы – 10 цент”. Жазушы сондағы жол иесіне жолығып: “Қалқам, жолың жаңадан ғана салынды, мен одан әлі жүріп өткен де жоқпын ғой” депті. Біраз күннен соң Твен манағы жолға тағы келеді. Сөйтсе онда: “Бұл жолмен атақты Твеннің өзі әлі жүріп өткен жоқ. Сіз бар-жоғы 25 цент төлеп, ол кісіден бұрын өтесіз. Және ол жөнінде жазушының жаңа романынан оқи аласыз” – деген жазу ілініп қойылыпты.

Твен жол иесіне тағы жолығып: “Мұныңыз не? Мен сіздің жолыңыз туралы жазғанда жоқпын ғой” деп кейиді. Келесіде өтіп бара жатса, былай деп жазып қойыпты: “Біздің жолдың кереметтігін айтып жеткізуге әйгілі жазушы Твеннің өзі сөз таба алмай қиналғаны бар. 50 цент төлеңіз де,  тамаша жол үстімен өте беріңіз”.

Артылып туса өзімнен…

Кеше ақтарып отырып, төмендегідей мақаланы тауып алдым.

(”ҮШ ҚИЯН” газетінен алынып, кішкене қысқартылып басылды)

Бала берсең тезінен,
Пірлердің бітсін демінен,
Шілтеннің тиіп шылауы,
Артылып туса өзімнен
Ақтамберді жырау

Арам астың шабуылы үдеген сайын, генетикалық кодтар шатаса береді. Алда-жалда гендегі аса құнды ақпараттың бірін спирттің не болмаса, никотиннің бір атомы жырып өтер болса, бүкіл қойманы ойрандап кетуге сол да жетеді. Генетикалық архив-те адамның түр-сипаты мен ақыл парасатына жауап беретін құнды ақпараттар қирап, құриды. Ядродағы «мини архив» құрыған сайын, адам шіркіннің болмысы бордай тозады.Ұлттық генофондтың тозғандығы туралы кешегі ХХ ғасырдағы көрген қайғы-қасіретті айтса жеткілікті. Соның кесірінен бірнеше ғасырдан бері таза жолмен сұрыпталып, сақталып келген қазақ ұлтының ең қымбат генетикалық кодтары қоса жойылып кете жаздады. Қазір қарап отырсаңыз ойлы, түр-сымбаты мен ішкі мәдениеті кемел қазақтың арыстай азаматы аз. Сонда, осылай азу процесі жалғаса береді ме? Жоқ, әлде ұлтты асылдандыратын құрал бар ма?

премьер министр мен Иманғали Тасмағамбетов төбелесті ме?

http://www.zonakz.net/articles/25019

Қытайлар бамбуктен клавиатура жасай бастады

Алдағы уақытта бамбук өте қат материалға айналуы мүмкін. Қытайлар клавиатураны енді бамбуктан жасай бастады. Ресейлік агенттіктердің хабарлуына қарағанда, аппараттың негізгі қаңқасы бұрынғыша қалмақ, тек детальдары, панелі мен клавиатура басқыштары бамбуктен жасалады. Бамбукты сынбайтындай берік қылу үшін қытай ғалымдары үш жыл кетірген көрінеді. Оны әзірше, құпия сақтап отыр. Ол тіпті үстелден құласа да сынбай, “краш-тестінен” аман-есен өтіпті. Мұндай аппараттардың бір жақсысы – монитордан шығатын сәуленің бір бөлігін өзіне жұтатын көрінеді.